Uiski i rrallë skocez bëhet shishja më e shtrenjtë në botë

Një shishe e rrallë uiski është shitur për 2.7 milionë dollarë, duke thyer rekordin për verën apo pijet alkoolike më të shtrenjtë të shitur në ankand.

Macallan 1926 single malt është një nga shishet më të kërkuara në botë të uiskit skocez.

Ajo u shit nga Sotheby’s të shtunën, me më shumë se dyfishin e çmimit të parashikuar.

Kreu i uiskit i shtëpisë së ankandeve tha se ai ishte lejuar të shijonte “një pikë të vogël” të tij paraprakisht.

“Është shumë e pasur, ka shumë fruta të thata siç do të prisnit, shumë erëza, shumë dru”, tha Jonny Fowle për agjencinë e lajmeve AFP.

Uiski kaloi 60 vjet duke u pjekur në kavanoza të errëta të lisit, përpara se të bëhej një nga vetëm 40 shishe në 1986.

40 shishet thuhet se nuk u vunë në dispozicion për blerje – në vend të kësaj, disa iu ofruan klientëve kryesorë të The Macallan.

Dhe sa herë që ndonjë nga shishet është nxjerrë në ankand gjatë viteve, ka pasur rezultate të jashtëzakonshme – një shishe e ngjashme është shitur në vitin 2019 për 1.5 milion £./21Media