Ukraina thotë se Rusia po ndërpret evakuimin në disa rajone
Ukraina bëri të ditur se Rusia po ndërpret evakuimet në disa qytete.
Mariupol
Si zëdhënësi i Ministrisë së Jashtme të Ukrainës, Oleg Nikolenko, ashtu edhe Ministria e Mbrojtjes e Ukrainës kanë akuzuar forcat ruse për granatimin e korridorit humanitar nga qyteti kyç jugor.
Tetë kamionë dhe 30 autobusë janë në rrugë për të dërguar ndihma humanitare në qytet dhe për të evakuuar civilët në Zaporizhzhya, tha Nikolenko.
Është e paqartë nëse dikush ka mundur të largohet.
Sumy
Një kolonë evakuimi nga qyteti i rrethuar i Sumy-t mbërriti në rajonin e Poltava – më larg kufirit rus – tha administrata rajonale e Poltavas.
Korridori u planifikua të jetë i hapur deri në orën 19:00 sot.
Bucha
Forcat ruse po sabotojnë një përpjekje evakuimi nga rrethi Bucha në rajonin e Kievit, tha kreu i administratës rajonale të Kievit, Oleksiy Kuleba.
“Rrethi po përgatitet për evakuim masiv të njerëzve dhe furnizim me ndihma humanitare. Një armëpushim është i nevojshëm për këtë”, tha Kuleba, shkruan BBC, përcjell rtv21.tv
Ai tha se njerëzit kishin mundur të largoheshin nga qyteti i afërt i Irpin-it gjatë 24 orëve të fundit./21Media