UP-ja hap konkursin për pranimin e studentëve

Universiteti i Prishtinës “Hasan Prishtina” ka shpallur të hapur konkursin për pranimin e studentëve në vitin e parë të studimeve themelore për vitin akademik 2022/2023.
Gjithsej 5 mijë e 497 studentë të rregullt planifikohet të bëhen pjesë e UP-së për këtë vit akademik, në afatin e parë të konkursit.
UP-ja numëron dhjetëra programe studimore në 14 fakultete, për t’u bërë pjesë e të cilave studentët mund të aplikojnë deri më datë 19 korrik.
Për të kuptuar më shumë rreth kushteve dhe mënyrës së aplikimit, klikoni KËTU.
Kujtojmë se vitin e kaluar, UP-ja në afatin e parë të konkursit ka pranuar 6 mijë e 247 studentë, 750 studentë më shumë se këtë vit./21Media