Vdiq Lisa Marie, vajza e Elvis Presleyt

Lisa Marie Presley, fëmija i vetëm i legjendës së rock’n’roll, Elvis, ka vdekur në moshën 54-vjeçare, njoftoi nëna e saj.
Lisa Marie, gjithashtu një këngëtare, u dërgua me urgjencë në spital më herët të enjten. Mediat amerikane thonë se ajo pësoi arrest kardiak.
Ajo u gjet e vdekur në shtëpinë e saj në Calabasas, Kaliforni, thanë burimet për gazetën amerikane TMZ.
“Ajo ishte gruaja më e pasionuar, e fortë dhe më e dashur që kam njohur ndonjëherë”, tha Priscilla Presley në një deklaratë.
“Ne kërkojmë privatësi ndërsa përpiqemi të përballemi me këtë humbje të thellë.”
Nëna e saj nuk dha detaje për shkakun e mundshëm të vdekjes.
Duke cituar një burim të afërt me Lisa Marie Presley, TMZ raportoi se ylli u gjet pa shenja jete në dhomën e saj të gjumit të enjten në mëngjes. Pothuajse në të njëjtën kohë, ish-bashkëshorti i saj Danny Keough, i cili gjithashtu jeton në pronë, mbërriti dhe kreu CPR.
Gazeta raportoi se ajo kishte pësuar një “arrest të plotë”./21Media