Veliu përkrahë Policinë e Kosovës

 

Ministri i Punëve të Brendshme, Agim Veliu theksoi se Policia e Kosovës gëzon një përkrahje të fuqishme nga ana e tij dhe se po bën përpjekje maksimale që të gjithë pjesëtarët e Policisë të kompensohen dhe stimulohen për punën dhe angazhimin e tyre gjatë kësaj periudhe.

Këtë  Veliu  e tha në takimi që e pati sot me Kryetaren e Sindikatës së Policisë së Kosovës, Valbona Kamberi dhe Ragip Ajeti, përfaqësues i Degës së Sindikatës në Gjilan.

Gjatë këtij takimi u bisedua lidhur me kushtet dhe sfidat me të cilat po ballafaqohen pjesëtarët e Policisë së Kosovës, me theks të veçantë në menaxhimin e situatës sëpandemisë COVID-19.

Në anën tjetër, Kamberi duke falënderuar ministrin Veliu për përkrahjen e dhënë, theksoi se pret nga institucionet e vendit të respektojnë punën e palodhshme që po
bëjnë të gjithë pjesëtarët e policisë, sidomos në këto ditë të vështira për të gjithë qytetarët e Republikës së Kosovës. /21Media 

Back to top button