Vendoset data për mbledhjen e Qeverive shqiptare
Më 24 prill do të mbahet mbledhja ndërmjet Kosovës dhe Shqipërisë
Ministri i Punëve të jashtme i Kosovës Enver Hoxhaj sot zhvilloi takim me kryeministrin e Shqipërisë, Edi Ramën, në të cilin vendos që të mbahet një mbledhje e përbashkët e Kosovës dhe Shqipërisë.
Sipas Hoxhajt mbledhja e përbashkët do të mbahet më 24 prill.
“Një temë e diskutimit dhe ndër më të rëndësishmet ishte mbledhja e përbashkët e dy qeverive që kësaj radhe do të mbahet në Vlorë. Kemi një lajm të mirë që do ta ndajmë me ju që mbledhja e përbashkët do të mbahet më 24 prill”, ka thënë Hoxhaj.
Ndryshe, Hoxhaj gjatë vizitës në Shqipëri zhvilloi një sërë takimesh me krerë të lartë të shtetit shqiptar.