Grave u  premtohet përkrahje më e madhe

Grave u  premtohet përkrahje më e madhe

Kryetari i PDK-së Kadri Veseli tha se me qeverisjen e tij gjysma e punonjësve ne institucionet e Kosovës do të jenë gra.

Gjatë takimit me gratë në kryeqytet i pari i PDK-së Kadri Veseli tha se pa fuqizim ekonomik nuk ka fuqizim të këtij vendi.

“Si kryetar i PDK-së kam ndërmarr hapin e parë, që minimalisht 40 përqind e të punësuarve në institucionet e Kosovës do të jenë gra. Në Qeveri, do të jenë gjysma gra dhe të rinj, por më shumë do të jenë gra”, u shpreh ai.

Ai madje tha se edhe në Aeroportin e Prishtinës do të punohet që të punësohen 30 përqind gra, ashtu sikurse që është kuota për Kuvendin e Kosovës.

Veseli ftoi të pranishmet duke iu drejtuar gjithë grave të Kosovës njëkohësisht, që të aktivizohen në fushën e ndërmarrësisë, pasi që saç tha ai, të gjitha gratë e Kosovës do të kenë përkrahjen më të madhe nga Partia Demokratike e Kosovës.

Veseli, me sportivitet ftoi të pranishmet që të votojnë gratë e listës, e të mos votojnë burrat.