Zelensky i kërkon Perëndimit të veprojë ose ‘miliona’ mund të vdesin

Presidenti ukrainas Volodymyr Zelensky ka thënë se “miliona njerëz” mund të vdesin nëse bota nuk e ndihmon Ukrainën para se të jetë “shumë vonë”.

Në një intervistë për Sky News, Zelensky përsëriti kërkesën e tij që liderët perëndimorë të vendosin një zonë ndalim-fluturimi mbi vendin e tij.

Duke apeluar që liderët botërorë të veprojnë më shpejt, ai tha: “Mos prisni që unë t’ju pyes disa herë, një milion herë. Mbyllni qiellin”.

Vendet perëndimore, përfshirë SHBA-në dhe Britaninë e Madhe, kanë përjashtuar një zonë ndalim-fluturimi pasi kjo mund t’i sjellë ato në konflikt të drejtpërdrejtë me Rusinë.

Zelensky tha se vendet perëndimore përfundimisht do të krijonin një zonë ndalim-fluturimi, por vetëm pasi të kishte filluar “Lufta e Tretë Botërore” dhe deri atëherë “do të jetë tepër vonë”.

Ai shtoi: “Më besoni, nëse zgjatet në këtë mënyrë, do të shihni… ata do të mbyllin qiellin, por ne do të humbasim miliona njerëz”./21Media