Zelensky përshëndet shkëmbimin e të burgosurve: Ne nuk harrojmë asnjë nga njerëzit tanë

Presidenti ukrainas, Volodymyr Zelensky përshëndeti të hënën shkëmbimin e më shumë se 200 të burgosurve nga Rusia dhe Ukraina.
Mes të liruarve nga forcat ruse dhe pro-ruse, tha ai, ishin njerëz që ishin arrestuar që përpara pushtimit të plotë të Rusisë në shkurt.
“Ne nuk harrojmë asnjë nga njerëzit tanë”, tha ai. “Ne duhet t’i kthejmë të gjithë. Dhe ne do ta bëjmë”.
“Falënderoj të gjithë ata që janë përfshirë për këtë sukses dhe falënderoj gjithashtu të gjithë ata që plotësojnë fondin tonë të këmbimit, që sigurojnë kapjen e armikut. Sa më shumë të burgosur rusë të kemi, aq më shpejt do të jemi në gjendje të lirojmë heronjtë tanë. Çdo ushtar ukrainas, çdo komandant në vijën e parë duhet ta kujtojë këtë”, shtoi ai./21Media