Zjarri në ishullin grek shkatërron gjithçka

Më shumë se dy mijë njerëz janë evakuuar nga Euboea në Greqi, shumica prej tyre me traget, pasi ishulli u shkatërrua nga zjarri.
Dy zjarre në ishullin grek kanë shkatërruar tashmë mijëra hektarë tokë dhe kanë djegur disa shtëpi dhe dyqane. Fotografitë nga Greqia për fundjavën tregojnë evakuimin e njerëzve, përfshirë të moshuarit.
“E tmerrshme! E pashpjegueshme, si një film horror. Ndërsa shikoni një film të tillë, kini frikë, por ju e dini që nuk është një realitet, dhe ky është një tmerr me të cilin kemi jetuar javën e fundit. Nuk e di nëse do të përfundojë sonte, nesër, ose në pesë ditë, por kudo në Greqi problemi është i njëjti”, tha Mina, një banore në Euboea.
Një person vdiq ndërsa shuante një zjarr në zonën e Amigdalia. Ai u transferua në spital rreth orës 3 pasdite, por vdiq nga plagët e marra, raportuan mediat lokale.
Ky është viktima e tretë e zjarrit. Komandanti i Forcave Ajrore Greke George Koumentakis ka dhënë dorëheqjen.
Autoritetet greke sot filluan të vlerësojnë dëmet nga zjarret në pyje. Zjarri më i madh është në ishullin Evia në lindje të kryeqytetit, ku dhjetëra fshatra dhe mijëra njerëz janë evakuuar, ndërsa zjarri ka përfshirë pyje dhe shtëpi në veri të ishullit.
Kryeministri Kyriakos Mitsotakis është planifikuar të kryesojë një mbledhje të qeverisë sot kushtuar masave për të ndihmuar njerëzit e mbetur pa prona në zjarre.
“Qëllimi ynë është të plotësojmë listën e dëmeve sa më shpejt të jetë e mundur në mënyrë që të fillojmë menjëherë procesin e kompensimit të bashkëqytetarëve të prekur”, tha Ministria e Infrastrukturës dhe Transportit.
Zjarret shpërthyen javën e kaluar gjatë goditjes më të keqe të nxehtësisë në tre dekada. Temperaturat kanë rënë pak ndërkohë, por mund të rriten përsëri gjatë javës, kështu që rreziku i ndezjes së zjarrit është ende i lartë.
Katër zjarrfikës në Euboea janë plagosur, dy janë në gjendje kritike me djegie të shkallës së lartë (të moshës 55 dhe 53-vjeç), ndërsa dy janë plagosur lehtë.