Një barnatore në Kamenicë punonte pa licencë, i konfiskohen barnat
Inspektorët konfiskuan barnat në vlerë rreth 7 mijë euro
Në fshatin Rogaqicë të Kamenicës, dje rreth orës 17:30 njësitë policore në bashkëveprim me inspektorët farmaceutik ka inspektuar barnatoren pronë e të dyshuarit, i cili nuk posedonte licencë për punë.
“Nga ana e inspektorëve farmaceutik janë konfiskuar 600 lloje barnash në vlerë rreth 6000-7000 €”, bëhet e ditur në raportin 24 orësh të policisë.
Me urdhër të prokurorit i dyshuari u arrestua.
Policia këtë rast e ka cilësuar si “prodhim dhe shpërndarje e produkteve të dëmshme shëndetësore”./21Media