Pacolli u takua me Richardson, diskutuan për format e bashkëpunimit
Pacolli e ka uruar Richardson për emërimin në detyrën e re në Kosovë
Zëvendëskryeministri i Parë dhe Ministri i Punëve të Jashtme i Republikës së Kosovës, Behgjet Pacolli, priti në një takim njohës Koordinatoren e re të Ekipit të Kombeve të Bashkuara në Kosovë, Ulrika Richardson.
Me këtë rast, kryediplomati kosovar, Pacolli, i ka shprehur mirëseardhje dhe e ka uruar Richardson për emërimin në detyrën e re në Kosovë, e cila filloi punën në fillim të këtij viti.
Në vazhdim të takimit të dy bashkëbiseduesit kanë diskutuar mbi bashkëpunimin në mes Republikës së Kosovës dhe Organizatës së Kombeve të Bashkuara, nëpërmjet programeve zhvillimore në nivelin nacional, të cilat janë në përputhje me objektivat e Agjendës 2030 për Zhvillim të Qëndrueshëm./21Media