Skënderaj ndanë 82 mijë euro për studentët

164 studentë përfitues të bursës

Komuna e Skënderajt në bashkëpunim me përfaqësues të bizneseve dhe njerëz të vullnetit të mirë, ndanë sot bursa për 164 studentë të cilët janë përzgjedhur nga komisioni përkatës.

Sipas njoftimit, secili student do të përfitojë bursë në vlerë prej 500 eurove.

Kryetari i Komunës, Bekim Jashari, është angazhuar në këtë drejtim duke u zotuar për mbështetje të vazhdueshme për studentë të dalluar të kësaj komune, me anë të ndarjes së bursave në numër sa më të madh të tyre, me qëllim që sadopak t’u dilet në ndihmë gjatë studimeve.

“Duke investuar në arsim, investojmë në të ardhmen tonë”, ka thënë kryetari Jashari.

Vlera e përgjithshme e këtij projekti është 82,000 euro, prej të cilave 50,000 euro janë ndarë nga buxheti i komunës, kurse pjesa tjetër, përkatësisht 32,000 euro kanë participuar firmat që operojnë në këtë komunë.