Ushqime që do t’ju ndihmojnë të keni qerpikë të gjatë
Ka shumë mënyra për të përmirësuar rritjen e qerpikëve: mund të përdorni vajra esencialë, të masazhoni qepallat dhe t’u jepni qerpikëve një pushim nga grimi. Por mënyra më e lehtë për t’i përmirësuar ato është të diversifikoni vaktet tuaja të përditshme. E tëra çfarë ju duhet të bëni është të hani disa ushqime të shëndetshme dhe të shijshme që do të përfitojnë, jo vetëm qerpikët, por i gjithë trupi juaj.
Ju tregojmë disa nga produktet që janë të shijshme dhe lehtësisht të arritshme, e që do t’i japin trupit tuaj vitaminat e nevojshme për qerpikë të gjatë dhe të shëndetshëm.
1. Vezët
Pse funksionojnë: Vezët janë të pasura me proteina.
Flokët dhe qerpikët përbëhen nga keratina. Ushqimet që janë të pasura me proteina ndihmojnë trupin tuaj të marrë sasinë e duhur të aminoacideve për të prodhuar keratinë. Do t’i bëjë qerpikët tuaj më të fortë dhe më të gjatë.
2. Salmoni
Pse funksionon: Salmoni është një burim i acideve yndyrore Omega-3, vitaminës D dhe vitaminave B.
Acidet yndyrore omega-3 mbrojnë qerpikët tuaj nga thyerja dhe nga bërja e brishtë dhe rënia. Vitaminat D dhe vitaminat B përmirësojnë rritjen e qerpikëve.
3. Arrat
Pse funksionojnë: Arrat i japin trupit tuaj acide Omega-3 dhe vitaminë E.
Acidet yndyrore së bashku me vitaminën E transportojnë gjak dhe oksigjen në folikulat e flokëve. Rrit rrjedhjen e gjakut dhe forcon folikulat e flokëve. Ndihmon për të mbajtur qerpikët në vend për më gjatë dhe i nxit të rriten më shpejt, shkruan BrightSide.
4. Frutat dhe perimet
Pse funksionojnë: frutat dhe perimet përmbajnë vitamina A dhe C.
Këto vitamina ndihmojnë në rritjen e qerpikëve dhe prodhimin e kolagjenit. Lëvorja e frutave dhe perimeve përmban silicë, një mineral thelbësor që ndihmon qerpikët tuaj të bëhen të gjatë dhe të shëndetshëm.
5. Kërpudhat
Pse funksionojnë: Kërpudhat janë një burim i vlefshëm i vitaminës B3.
Kërpudhat përmirësojnë qarkullimin e gjakut dhe ndihmojnë në prodhimin e keratinës. Vitamina B3 stimulon rritjen e qerpikëve dhe eliminon qerpikët e thatë dhe të brishtë. Ndihmon në riprodhimin qelizor dhe parandalon rënien e qerpikëve tuaj.
6. Fasulet
Pse funksionojnë: Fasulet përmbajnë vitaminë H dhe acid folik.
Vitamina H rrit rrjedhjen e gjakut në folikulat e flokëve, i bën qerpikët të duken më të trashë dhe i pengon ata të thahen dhe të bien. Ndihmon trupin tuaj të absorbojë aminoacide dhe yndyrna që janë thelbësore për qerpikë të shëndetshëm. Acidi folik parandalon që qerpikët tuaj të bëhen të brishtë.
7. Drithërat integrale
Pse funksionojnë: Drithërat integrale janë të pasura me vitaminë B6 dhe hekur.
Vitamina B6 stimulon prodhimin e melaninës – pigmentit që i jep ngjyrën qerpikëve tuaj. Hekuri ruhet në gjëndrat e flokëve dhe parandalon që qerpikët tuaj të dobësohen dhe të bien./21Media