​Punëtorët teknikë dhe ata të sigurimit paralajmërojnë protestë

Punëtorët teknikë dhe ata të sigurimit në institucionet shëndetësore do të protestojnë më 29 korrik para drejtorive të institucioneve ku kryejnë shërbime, për shkak të mospërfshirjes së tyre në vendimin e Qeverisë së Kosovës për pagesën shtesë neto prej 10 përqind të pagës bazë për COVID-19.
Këtë e ka bërë të ditur Federata Sindikale e Punëtorëve Teknik të Sektorit Privat të Kosovës.
“Ju njoftojmë se punëtorët teknikë dhe ata të sigurimit fizik, të cilët kryejnë shërbime në institucionet shëndetësore publike në nivel vendi në Kosovë, me datë 29.07.2022 nga ora 10:00 deri ora 10:30 do të protestojnë para drejtorive të Spitaleve, QMF, dhe Ambulancave ku ata kryejnë shërbime… Arsyeja e protestës është mos përfshirja e këtyre punëtorëve ne vendimin e qeverisë të datës 20.07.2022, që ka të bëj me pagesën shtesë neto prej 10% e pagës bazë, për shkak te Covid-19”, thuhet në njoftim.
Protesta e punëtorëve teknikë dhe atyre të sigurimit do të mbahet të ejten nga ora 10:00 deri në ora 10:30./KP