Ministria e Shëndetësisë në Shqipëri ka bërë të ditur se gjatë 24 orëve të fundit betejën me COVID-19 e kanë humbur dy qytetarë nga Tirana, një 66 vjeçar dhe 73 vjeçar.

Ndërsa janë konfirmuar 106 raste të reja me COVID-19, nga 832 testime të kryera.

31 të prekur në Tiranë, 12 në Durrës, 10 në Shkodër, 6 raste në Korçë, Kukës, Lushnje, 5 raste në Dibër, 4 raste në Fier, Kavajë, 3 raste në Kurbin, Elbasan, 2 raste në Devoll, Lezhë, Vlorë, 1 rast në Krujë, Rrogozhinë, Mat, Gjirokastër, Përmet, Divjakë, Malësi e Madhe, Bulqizë, Klos, Patos.

Në 24 orët e fundit 137 qytetarë rezultojnë të shëruar, duke e çuar në 7534 numrin e personave që e kanë mundur COVID-19 që nga fillimi i pandemisë.

Aktualisht në Spitalin Infektiv dhe “Shefqet Ndroqi” po trajtohen 182 pacientë, 18 në terapi intensive nga të cilët vetëm 5 pacientë janë të intubuar./21Media