25 viktima nga përmbytjet në SHBA, në mesin e tyre edhe 6 fëmijë

Përmbytjet shkatërruese kanë marrë jetën e të paktën 25 njerëzve në rajonin Appalachia të Kentakit lindor.
Guvernatori i Kentakit, Andy Beshear tha se ai priste që numri i të vdekurve të vazhdojë të rritet. Ai tha se qindra shtëpi dhe biznese janë përmbytur.
Presidenti, Joe Biden i ka shpallur përmbytjet “një fatkeqësi të madhe” dhe ka urdhëruar ndihmën federale për të ndihmuar shpëtimtarët lokalë.
Mes të vdekurve janë të paktën gjashtë fëmijë, përfshirë një 1-vjeçar, transmeton rtv21.tv.
Shkencëtarët thonë se ndryshimi i klimës po shkakton më shumë ngjarje ekstreme të motit si përmbytjet në Kentaki.
Pas një turneu ajror me Gardën Kombëtare, Beshear tha se përmbytja ishte “deri më e keqja” që kishte parë.
Qindra njerëz janë shpëtuar me varkë ose helikopter.
Përmbytjet historike vijnë pasi shteti rimëkëmbet nga tornadot më vdekjeprurës në historinë e tij, të cilat vranë më shumë se 70 në dhjetor të vitit 2021./21Media