VV me LDK-në a PDK-në për president, Dugolli thotë se ”me asnjëren”
(Lajm i përditësuar)
VV me LDK-në a PDK-në për president, Dugolli thotë se ”me asnjëren”
Deputeti i Lëvizjes Vetëvendosje, Enver Dugolli në ”Click” të RTV21 ka deklaruar se as Lidhja Demokratike e Kosovës dhe as Partia Demokratike e Kosovës nuk kanë qasje serioze ndaj çështjes së zgjedhjes së presidentit.
I pyetur se me cilën nga partitë opozitare është më afër VV-ja për këtë proces, Dugolli duke qeshur tha se nuk ka afërsi me asnjërën prej tyre.
“Si duket me asnjërën, asnjëra s’e ka përnjëmend”, për çka analistit Blerim Canaj i replikoi duke thënë se ”asnjëra nuk e keni përnjëmend”. Tutje Dugolli vazhdoi duke thënë ”Shtrohet pyetja pse nuk e kemi përnjëmend”.
Dugolli: Vendimi për ekspozitën e Shkëlzen Gashit u mor kolegjialisht, duhet më shumë kontroll në të ardhmen
Deputeti i Lëvizjes Vetëvendosje, Enver Dugolli në ”Click” të RTV21 ka komentuar ekspozitën e Shkëlzen Gashit në sheshin e Prishtinës, duke theksuar se ajo nuk ka lidhje me strukturat e partisë.
“Nuk ka lidhje me VV-në, nuk është anëtar dhe nuk ka pjesë në strukturat e VV-së”, u shpreh Dugolli.
Ai shtoi se vendimi për subvencionimin e ekspozitës është marrë në mënyrë kolegjiale nga Kryesia e Kuvendit të Kosovës dhe se procesi nuk është vendosur nga një individ i vetëm.
“Vendimi për të subvencionuar këtë ekspozitë ka qenë vendim i kryesisë së Kuvendit”, tha ai.
Dugolli theksoi gjithashtu se kryetarja e Kuvendit, Albulena Haxhiu ka sqaruar se votimi është bërë në mënyrë kolegjiale dhe pa njohuri të plotë për përmbajtjen e ekspozitës.
“Ne kemi votuar në mënyrë kolegjiale dhe askush nuk e ka konsultuar përmbajtjen, nuk e kemi ditur”, citoi ai.
Megjithatë, Dugolli pranoi se kjo nuk e justifikon mungesën e kontrollit institucional dhe tha se në të ardhmen duhet të ketë më shumë vëmendje dhe verifikim për vendime të tilla.
Dugolli: Abdixhiku dhe Hamza e kanë kundërshtuar Vjosa Osmanin, “nuk e votojmë”
Deputeti i Lëvizjes Vetëvendosje, Enver Dugolli në ”Click” të RTV21 ka deklaruar se qëndrimet politike për zgjedhjen e presidentit varen nga konsensusi ndërpartiak dhe propozimet konkrete që vijnë nga opozita.
Ai tha se në takimet e zhvilluara, emri i presidentes aktuale Vjosa Osmani ka hasur në qëndrime negative nga disa parti opozitare, përfshirë Partia Demokratike e Kosovës dhe Lidhja Demokratike e Kosovës.
“Jam i bindur në këtë se në takimet që ka zhvilluar Kurti me Abdixhikun dhe Hamzën, emri i Vjosa Osmanit ka qenë negativ, nuk e votojmë”, u shpreh Dugolli.
Megjithatë, ai theksoi se nëse LDK siguron 15 nënshkrime për një kandidat, përfshirë edhe Vjosa Osmanin, atëherë edhe Vetëvendosje do të kontribuojë me nënshkrime dhe vota për të mundësuar zgjedhjen e presidentit.
“Në momentin që LDK i bën 15 nënshkrime për Vjosa Osmanin apo për cilindo kandidat, ne garantojmë edhe 15 nënshkrimet tona dhe votat tona, dhe atëherë zgjidhet presidenti”, shtoi ai.
Dugolli: Pagën e 13-të do ta japim në fillim të vitit të ardhshëm, kemi rritur pagën minimale
Deputeti i Lëvizjes Vetëvendosje, Enver Dugolli, në ”Click” të RTV21 ka deklaruar se qeveria do ta realizojë premtimin për pagën e 13-të edhe në fillim të vitit të ardhshëm.
“Pagën e 13-të vitin e ardhshëm do ta japim në fillim të vitit, ky është premtim që e kemi dhënë”, u shpreh Dugolli.
Ai gjithashtu tha se janë ndërmarrë hapa për përmirësimin e kushteve në sektorin privat, duke theksuar rritjen e pagës minimale.
“Në sektorin privat kemi rritur pagën minimale”, shtoi ai.
Dugolli: Andin Hoti nuk është militant i VV-së, ka pasur një të kaluar në PDK
Deputeti i Lëvizjes Vetëvendosje, Enver Dugolli në ”Click” të RTV21 ka komentuar diskutimet rreth emrave të mundshëm për president, duke theksuar se Andin Hoti nuk është i lidhur me Vetëvendosjen.
Sipas tij, Hoti ka një të kaluar politike në Partia Demokratike e Kosovës dhe nuk mund të cilësohet si militant i VV-së.
“Andin Hoti nuk është militant i VV-së, ka pasur një të kaluar në PDK”, u shpreh Dugolli.
Ai gjithashtu akuzoi partitë opozitare për mungesë sinqeriteti në procesin e zgjedhjes së presidentit, duke thënë se ato ende nuk kanë treguar interes të vërtetë për arritjen e një marrëveshjeje.
“Nga partitë opozitare ka pasur jo sinqeritet dhe ende nuk kanë interes për çështjen e presidentit”, shtoi Dugolli.
Dugolli për partitë opozitare: Ka pasur jo sinqeritet, ende s’kanë interes për çështjen e Presidentit
Deputeti i Lëvizjes Vetëvendosje, Enver Dugolli në ”Click” të RTV21 ka deklaruar se çdo propozim konkret nga partitë opozitare për çështjen e presidentit do të trajtohet me seriozitet dhe do të shqyrtohet deri në përmbyllje të procesit.
Ai theksoi se, sapo të ketë propozime konkrete nga dy partitë kryesore opozitare, ato do të merren në konsideratë në mënyrë institucionale.
“Ne momentin që kemi propozime konkrete nga partitë opozitare, e kryesisht nga dy partitë kryesore opozitare, do ta shqyrtojmë me seriozitet dhe do ta mbyllim këtë”, u shpreh Dugolli.
Dugolli shtoi se, edhe para vendimit të Gjykatës Kushtetuese, janë dërguar ftesa për bashkëpunim si për Partia Demokratike e Kosovës ashtu edhe për Lidhja Demokratike e Kosovës, por sipas tij përgjigjet nuk kanë qenë pozitive.
“Kemi pasur ftesa edhe për PDK edhe për LDK, por kemi marrë përgjigje ‘po presim’”, tha ai teksa ka shtuar se ”Ka pasur jo sinqeritet dhe ende nuk kanë interes për ceshtjen e Preisdentit”.
Dugolli: Po punojmë si asnjëherë më parë për çështjen e presidentit
Deputeti i Lëvizjes Vetëvendosje, Enver Dugolli, ka deklaruar se institucionet nuk janë jashtë afateve në trajtimin e çështjen e presidentit.
Sipas tij, puna në institucione po zhvillohet më intensivisht se më parë, ndërsa vonesat janë pasojë e jofunksionalitetit të Kuvendi i Kosovës gjatë vitit të kaluar.
“Nuk jemi jashtë kohe, ne po punojmë si asnjëherë më parë. Vitin e kaluar Kuvendi ka qenë jofunksional dhe shumë ligje të rëndësishme kanë mbetur në pritje”, u shpreh Dugolli.
Ai theksoi se aktualisht po trajtohen si prioritete çështjet e mbetura pezull, duke shtuar se një vit mosfunksionim i Kuvendit ka krijuar pengesa të konsiderueshme në proceset institucionale.
Dugolli: Mbi 20 ushtarë të FSK-së drejt misionit në Gaza
Deputeti i Lëvizjes Vetëvendosje, Enver Dugolli, në ”Click” ka bërë të ditur se dërgimi i Forcës së Sigurisë së Kosovës (FSK) në misionin në Gaza pritet të fillojë me një numër simbolik prej mbi 20 ushtarësh.
Sipas tij, ky numër nuk është strikt dhe mund të ndryshojë në varësi të nevojave të misionit. Dugolli theksoi se institucionet e Kosovës kanë ndërmarrë të gjitha masat e nevojshme për të garantuar sigurinë dhe mirëqenien e pjesëtarëve të FSK-së.
“Fillimisht do të shkohet me një numër simbolik mbi 20 ushtarë, por kjo nuk është strikte”, u shpreh ai.
Ai shtoi se janë siguruar mbulime të plota për sigurime jetësore dhe shëndetësore, ndërsa Qeveria e Kosovës ka dhënë zotim për mbështetje financiare për secilin pjesëtar të angazhuar në mision.
Sipas Dugollit, ekziston edhe bazë ligjore për këtë angazhim, ndërsa Qeveria ka miratuar një plan që parasheh ndarjen e deri në 300 mijë euro për person për misione të tilla.
“Qeveria garanton për secilin person që shkon atje”, theksoi Dugolli, duke nënvizuar përkushtimin institucional për këtë mision ndërkombëtar.
”Bordi i Paqes”, Dugolli: Kjo çështje do të ratifikohet
Deputeti i Lëvizjes Vetëvendosje, Enver Dugolli, në ”Click” të RTV21 ka deklaruar se angazhimi i Forcës së Sigurisë së Kosovës (FSK) në misione ndërkombëtare, përfshirë Gazën, është një mundësi që nuk duhet humbur.
Duke folur për marrëveshjet në kuadër të ashtuquajturit “Bordi i Paqes”, Dugolli theksoi se dërgimi i FSK-së është derivat i këtyre angazhimeve dhe ka rëndësi të veçantë për vendin. Sipas tij, çdo vonesë mund të rezultojë në humbje të mundësive, duke rikujtuar se një rast i tillë është humbur edhe vitin e kaluar.
“Është e rëndësishme që të mos humbet kjo mundësi, pasi nëse vonohemi, mund të humbasim siç ka ndodhur vitin e kaluar”, u shpreh ai.
Dugolli shtoi se forca stabilizuese në Gaza përbën element kyç, veçanërisht duke pasur parasysh interesimin e Shtetet e Bashkuara të Amerikës për këtë mision. Ai theksoi gjithashtu se Kosova është pjesë e strukturave relevante ndërkombëtare dhe se marrëveshja pritet të ratifikohet.
“Jemi anëtarë të Bordit të Paqes dhe kjo çështje do të ratifikohet”, përfundoi Dugolli.
Dugolli: Angazhimi në Gaza, mundësi për FSK-në të dëshmojë kapacitetet
Deputeti i Lëvizjes Vetëvendosje, Enver Dugolli, ka deklaruar në “Click” në RTV21 se përfshirja e Forcës së Sigurisë së Kosovës (FSK) në misione ndërkombëtare është një proces i planifikuar që nga fillimi.
Sipas Dugollit, i gjithë procesi është dizajnuar në mënyrë që FSK të dëshmojë kapacitetet dhe profesionalizmin e saj në skenën ndërkombëtare, duke kontribuar në ruajtjen e paqes.
i theksoi se një angazhim i mundshëm në Gaza do t’i japë FSK-së mundësinë të tregojë aftësitë e veta në operacione paqeruajtëse.
“Që nga fillimi, procesi është komplet i dizajnuar që FSK të tregojë aftësitë e veta për të kontribuar për paqen në Gaza dhe do të ketë mundësi të tregojë aftësitë e veta”, u shpreh Dugolli./RTV21/21Media