​Dhjetëra kamionë me ndihma hyjnë në Gazë

Hamasi ende po bën përpjekje për lirimin e shtatë të burgosurve palestinezë të profilit të lartë, i tha BBC-së një zyrtar i njohur me negociatat.

Nëse Izraeli pranon të lirojë edhe dy prej tyre, grupi thotë se do t’i kthejë pengjet izraelite sot, një ditë më herët se sa pritej.

Sipas kushteve të marrëveshjes së armëpushimit – e cila hyri në fuqi të premten – Hamasi ka afat deri në orën 12:00 sipas kohës lokale të hënën për të liruar të gjithë pengjet izraelite.

Në këmbim, Izraeli do të lirojë 250 të burgosur palestinezë dhe 1.700 të ndaluar nga Gaza, që përfshijnë dhjetëra fëmijë.

Diku tjetër, dhjetëra kamionë ndihmash kanë filluar të hyjnë në Gazë këtë mëngjes, me fotografi që tregojnë radhë kamionësh në kalimin e Rafah me Egjiptin.

Të hënën, Donald Trump do të marrë pjesë në një samit ndërkombëtar paqeje në Egjipt, ku do t’i bashkohen dhjetëra udhëheqës të tjerë.