Dy aksidente në rrugën Prishtinë-Podujevë, 6 persona të lënduar

Gjashtë persona janë lënduar si pasojë e dy aksidenteve që kanë ndodhur sot rreth orës 17:30 në rrugën Prishtinë-Podujevë.
Kështu për portalin rtv21.tv ka konfirmuar, zëdhënësja e Policisë së Kosovës për rajonin e Prishtinës, Flora Ahmeti.
Njëri aksident ka ndodhur në fshatin Trudë, ku kanë qenë të përfshira dy automjete, dhe janë lënduar katër persona.
Ndërsa, aksidenti tjetër ka ndodhur në fshatin Sekiraqë, ku janë përfshirë dy automjete dhe është raportuar për dy të lënduar.
“Njësiti i trafikut rajonal është duke u marrë me të dyja rastet”, tha Ahmeti./21Media