Alban Ukaj në Festivalin e Filmit në Kanë

Kasti i filmit “Tori and Lokita”, në të cilin luan edhe aktori shqiptar, Alban Ukaj parakaluan në tapetin e kuq me rastin e premierës së filmit të tyre në Festivalin e Filmit në Cannes.
“Tori and Lokita” flet për historinë e një 12 vjeçari dhe një 16 vjeçare, refugjatë nga Belgjika.Ukaj, një kuzhinier që i keqpërdor të dy fëmijët, kinse për t’u ndihmuar.
Jean Pierre dhe Luc Dardenne janë në garë për Palmën e Artë.
“Vëllezërit Dardenne për mua janë mësues, miq të mirë, regjisorë të jashtëzakonshëm dhe dy prej personave më intelektual që i kam takuar në jetë. Kam mësuar shumë rreth aktrimit falë tyre, fillimisht gjatë bashkëpunimit në filmin ‘Heshtja e Lornës” e pastaj edhe me filmin e ri ‘Tori dhe Lokita’”, u shpreh Ukaj.
Ukaj luan edhe në filmin “Era” me regji të Parta Kelmendit.
Ngjarja e filmit përcjell dramën e viteve të 90-ta në Kosovë kur populli i Kosovës ballafaqohej me ndjekjet dhe nxjerrje nga puna në mënyrë masive. Shkollat paralele, ndërkohë që të rinjtë po përjetonin apartheidin dhe dhunën karshi tyre. Përmes personazhit kryesor Era, trajtohet jo vetëm ngjarja, por edhe psikologjia dhe ndikimi i tjetërsimit të vlerave kulturore dhe njerëzore të asaj kohe./21Media