Arratiset një i burgosur nga burgu i Smrekonicës
Është arratisur F.H nga burgu i Smrekonicës, i cili akuzohet për vrasje.
Kështu ka bërë të ditur Shërbimi Korrektues i Kosovës përmes një postimi në “Facebook”.
Për largimin e tij nga institucioni është përgatitur letër rreshtimi dhe është njoftuar edhe policia.
“Shërbimi Korrektues i Kosovës njofton opinionin publik se i dënuari F. H. është larguar nga Qendra Korrektuese e Smrekonicës, institucion i tipit të hapur. Ai është gjithashtu përfitues i vikendit. Herën e fundit që ka shfrytëzuar vikendin ishte nga data 01 deri më 03 të këtij muaji. Për largimin e tij nga institucioni është përgatitur letërrreshtimi dhe është njoftuar edhe policia”, thuhet në postimin e SHKK-së.
Lidhur me rastin, deri në përfundim të hetimeve, janë suspenduar dy oficerë, ai i dhomës së vëzhgimit, F.R dhe oficeri i krahut, N.A./21Media
Dëshiron ta dëgjosh këtë lajm me zë?