Arrestohet 30-vjeçari në Gjakovë, posedonte mjete luftarake

1 min read

Drejtoria Rajonale e Policisë – Gjakovë, sot ka arrestuar V.SH 30 vjeçar nga fshati Rogovë nën dyshimin se ka në posedim armë zjarri dhe mjete tjera luftarake.

Pas identifikimit të personit, dhe një pune të shkëlqyer hetimore, në konsultim me prokurorin kujdestar, dhe po ashtu vepruar sipas urdhëresës të gjykatësit paraprak, është realizuar kontrolli – bastisja e shtëpisë dhe lokaleve tjera përcjellëse të të dyshuarit, dhe janë gjetur dhe sekuestruar armët: Një ZOL e zbrazët, një GULINOV , cal.12,7 mm dhe një revole, cal. 7.65 mm.

I njëjti është shoqëruar dhe intervistuar në praninë e avokatit mbrojtës dhe pas deklarimit, me urdhër të prokurorit kujdestar i dyshuari lirohet, dhe rasti vazhdon në procedura të rregullt./21Media