Bogujevci për vrasësin e familjes së saj që u riarrestua në Athinë: Jemi larg drejtësisë

Nënkryetarja e Kuvendit, Saranda Bogujevci, ka reaguar pas arrestimit për drogë në Greqi, të një ish-pjesëtari të njësitit paramilitar serb “Skorpionët”, e që në të kaluarën ishte dënuar për masakrën ndaj familjes së Bogujevcit në luftën e Kosovës.
Sasha Cvijetan, ishte pjesëtar i formacionit paraushtarak “Scorpions”, të cilët u vunë në gjyq në Serbi sepse në mars të vitit 1999 kishin pushkatuar shtatë fëmijë të moshës dy deri në 15 vjeç dhe shtatë gra në Podujevë.
“Përderisa nuk ka kurrë drejtësi kur familja të masakrohet, kemi shpresuar që të paktën disa mësime janë marrë. Fatkeqësisht, siç po e shohim, është larg nga realiteti”, ka shkruar Bogujevci në Twitter.
Ajo ndër tjera ka shtuar se “Një vrasës i fëmijëve është lejuar të bredh rrugëve të Evropës”./21Media

Cvjetan was sentenced to 20 years in prison, but in 2018 he was released three and a half years before his sentence was completed for “good behavior.” Now, he has been arrested for more criminal activity. A killer of children has been allowed to roam the streets of Europe. 6/7

— Saranda Bogujevci (@SaraBogujevci) December 16, 2022