Caktohet seanca kuvendore për 5 ambasadorë

Është caktuar seanca e Komisionit kuvendor për Politikë të Jashtme në të cilën 5 kandidatë për ambasadorë do të duhet të prezantojnë tezat e tyre.
Në faqen e Kuvendit të Maqedonisë së Veriut është publikuar dokumenti ku lexohet se ryetari i Komisionit, Antonio Milloshovski, e ka caktuar seancën për nesër, 26 korrik, në orën 10:30. Por para se ata të flasin para komisionit, në rend dite janë disa pika të tjera, siç është propozimligji për ratifikimin e Protokollit që lidhet me anëtarësimin e Suedisë dhe Finlandës në NATO.
Pas këtyre dy pikave, duhet të nis prezantimi i platformës së aktiviteteve diplomatike nga Zoran Popovi, i nominuar për ambasador në SHBA, Evgenija Ilieva, për ambasadore në Sllovaki, Agron Buxhaku për ambasador në Kanada, Driton Kuçi për në Norvegji dhe Metodija Balevski për në Belgjikë./TV21