Dukagjini e Malisheva befasojnë Ballkanin e Prishtinën

 
Kanë përfunduar edhe dy ndeshjet e xhiros së parë të Superligës së Kosovës ku u ballafaquan Ballkani me Dukagjinin dhe Malisheva me Prishtinën.
Në Suharekë skuadra e Ballkanit mori një pikë pasi ka barazuar me rezultat 2-2 me Dukagjinin.
Ermal Krasniqi i shënoi të dy golat për Ballkani kurse për Dukagjinin golat u realizuan nga Shala dhe Januzi.
Duhet përmendur që Dukagjini i luajti 25 minutat e fundit të ndeshjes me një lojtar më pak pasi nga loja u përjashtua Januzi.
Me barazim u ndal edhe Pristhina përballë Malishevës derisa rezultati final ishte 1-1.
Malisheva kaloi e para në epërsi në minutën e 12 me golin e realizuar nga Hyseni, por kampioni aktual i Superligës e barazoi rezultatin në minutën e 93’ kur realizoi Bekteshi.
Edhe Malisheva luajti në fund me një lojtar më pak pas ndëshkimit me karton të kuq të Vitijës.