Dy të arrestuar për grabitje në Pejë

 

Dy persona janë arrestuar sot, nën dyshimin se kanë kryer veprën penale, “Grabitje”.

Rasti është raportuar në polici me datën 5 maj, ku viktima është ankuar se dy persona të panjohur, të maskuar e nën kërncënimin e armës, kanë grabitur nga arka një shumë prej 350 euro, në rrugën “Bekim Berisha”, në filialin e telefonisë Ipko.

“Në vendin e ngjarjes kanë dalë menjëherë njësiti policor, ku pas një pune operative të dyshuarit janë arrestuar nga Policia e Kosovës. Në shtëpitë e të dyshuarëve është kryer një bastisje, ku janë sekuestruar një pushkë automatike, një karikator, 12 fishekë si dhe një armë gjahu automatike”, është bërë e ditur në komunikatën e lëshuar nga Policia e Kosovës.

Me vendim të prokurorit, të dyshuarëve u është caktuar masa e ndalimit prej 48 orë./21Media