Griner pritet të zbarkojë në San Antonio pas lirimit nga paraburgimi rus

Pasi u lirua nga paraburgimi rus ylli amerikan i basketbollit Brittney Griner po fluturon përsëri në SHBA dhe pritet të zbarkojë në San Antonio, Teksas, konfirmoi një zyrtar amerikan për CNN.
Nuk është e qartë se kur pritet të zbresë ajo.
Zëdhënësi i Departamentit të Shtetit Ned Price tha se zyrtarët amerikanë do të diskutojnë me Griner “çfarë i nevojitet” kur ajo të mbërrijë në SHBA.
“Ajo mund të kërkojë ndihmën që do të ofrojë SHBA dhe ne do t’ia vëmë në dispozicion të gjithë këtë. Për sa kohë ajo përfiton nga ajo ndihmë, kjo është një pyetje për Brittney Griner, është një pyetje për Cherelle. Por do të jetë një bisedë e vazhdueshme që ne kemi me ta”, tha Price në MSNBC.
Trevor Reed dhe shtatë amerikanët që u kthyen nga Venezuela në fillim të tetorit u sollën në San Antonio, ku iu nënshtruan një programi të Departamentit të Mbrojtjes të njohur si PISA (Aktivitete Mbështetëse të Pas Izolimit) që synonte t’i përshtatte ata në jetën normale./21Media