Hoti: Në Shtëpinë e Bardhë nuk kam gjetur harta e thika
Kryeministri i Kosovës, Avdullah Hoti, ka thënë se nuk ka parë as thika e as harta në Shtëpinë e Bardhë.
“Nuk kam gjetur as harta e as thika. Lërë që s’pati harta e thika po SHBA-ja angazhohet për fuqizim të Kosovës në arenën ndërkombëtare, ashtu siç e bënë njëzet minuta pas përfundimit të ceremonisë (konfirmimi i njohjes nga Izraeli v.j.)”, ka thënë ai për televizionin publik.
“Historikisht Vetëvendosje ka qenë gabim. Edhe kësaj radhe është gabim”.
Për thika dhe harta në Shtëpinë e Bardhë kishte folur lideri i Lëvizjes Vetëvendosje, Albin Kurti, duke aluduar në ndarjen e mundshme të Kosovës.