I vazhdohet paraburgimi edhe për dy muaj kryeshefit të KEK-ut
Gjykata Themelore në Prishtinë ia ka vazhduar edhe për dy muaj paraburgimin, kryeshefit të KEK-ut, Nagip Krasniqi.
Për rtv21.tv këtë e ka konfirmuar Mirlinda Gashi, zëdhënëse në Gjykatën Themelore në Prishtinë.
“Gjykata të premten e ka vazhduar masën e paraburgimit për dy muaj. Pala ka të drejtën e ankesës në Gjykatën e Apelit”, tha ajo.
Gashi tutje ka bërë të ditur se pala ka të drejtën e ankesës në Gjykatën e Apelit./21Media