Klitschko i përgjigjet kritikave të Zelensky-t

Kryetari i bashkisë së Kievit, Vitali Klitschko, iu përgjigj të dielën kritikave të presidentit të Ukrainës për masat që ndërmori për të ndihmuar banorët t’i përballojnë ndërprerjet e energjisë elektrike, duke i përshkruar mosmarrëveshjet si “të pakuptimta” në mes të fushatës ushtarake të Rusisë.
Klitschko tha se 430 “qendra ngrohjeje” po i ndihmonin banorët të përballonin efektet e sulmeve ruse në termocentralet dhe më shumë se 100 të tjera ishin planifikuar në rast të kushteve ekstreme. Zelensky vuri në dukje javën e kaluar se kishte shumë ankesa për masat e miratuara në kryeqytet.
“Nuk dua të përfshihem në beteja politike, veçanërisht në situatën aktuale”, tha Klitschko në një video të postuar në Telegram.
“Kjo është e pakuptimtë. Kam gjëra për të bërë në qytet”.
Volodymyr Zelensky javën e kaluar kritikoi Klitschko për sigurimin e strehimoreve emergjente, në shenjë pakënaqësie që rrallë shihet mes liderëve ukrainas që nga fillimi i pushtimit rus./21Media