Kosova e humb arbitrazhin me ‘Contur Global’, detyrohet t’ia paguajë mbi 20 milionë euro
Kosova e ka humbur rastin në arbitrazh me kompaninë ‘’Contour Global”, ku vendi do të detyrohet të paguajë dëmshpërblim prej mbi 20 milionë eurosh.
Këtë e ka konfirmuar këshilltari i ministres së Drejtësisë, Genc Nimoni, duke treguar se vendimi final është analizuar dhe i njëjti do të sfidohet në gjykatën civile në Mbretërinë e Bashkuar.
“Avokatura Shtetërore e ka pranuar vendimin final të Gjykatës Ndërkombëtare të Arbitrazhit, (ICC). Vendimi i Arbitrazhit e obligon Republikën e Kosovës që t`ia paguajë Countur Global-it shumën prej 20,053,125.63 euro. Avokatura Shtetërore dhe përfaqësuesi ligjor i kontraktuar e kanë analizuar vendimin final të arbitrazhit dhe i njëjti do të sfidohet në gjykatën civile në Mbretërinë e Bashkuar”, ka deklaruar ai.
Dëshiron ta dëgjosh këtë lajm me zë?