Krasniqi për fjalimin e Ramës: S’e humb asnjë mundësi që i jepet për të mbrojtur Kosovën

Kryetari i Partisë Demokratike të Kosovës, Memli Krasniqi, ka falënderuar kryeministrin e Shqipërisë, Edi Rama për fjalimin e tij në Këshillin e Evropës lidhur me miratimin e Rezolutës së propozuar nga Shqipëria kundër Raportit ish-senatorit Dick Marty për trafikim të organeve gjatë luftës në Kosovë.
Krasniqi e ka quajtur “fat të madh” faktin që Shqipëria ka për kryeministër Edi Ramën.
Krasniqi ka thënë se “Rama nuk e humb asnjë mundësi që i jepet për të mbrojtur Kosovën”.
“Është fat i madh për Kosovën që në këtë periudhë sfiduese, Shqipëria ka një kryeministër si Edi Rama – i cili nuk e humb asnjë mundësi që i jepet për të mbrojtur Kosovën, luftën tonë çlirimtare dhe të drejtën tonë të patjetërsueshme për liri dhe pavarësi. Faleminderit Kryeministër Rama për qëndrimin dinjitoz dhe dashurinë e pakushtëzuar për Kosovën. Populli i Kosovës të është mirënjohës!”, ka shkruar Krasniqi në Facebook./21Media