Kremlin: Sulmet e Ukrainës në depon ruse nuk do t’i ndihmojnë bisedimet

Sipas zëdhënësit të Kremlinit, Dmitry Peskov, helikopterët ushtarakë ukrainas që synuan një depo nafte në Rusi nuk krijojnë kushte të favorshme për vazhdimin e bisedimeve të paqes.
Sot, guvernatori i rajonit Belgorod të Rusisë, i cili shtrihet në veri të Ukrainës, tha se një depo nafte ishte djegur pas një sulmi nga dy helikopterë ukrainas.
Peskov u pyet në konferencë për shtyp nëse sulmi i raportuar përbën një përshkallëzim të konfliktit.
”Sigurisht, kjo nuk është diçka që mund të perceptohet si krijimi i kushteve komode për vazhdimin e negociatave”, u përgjigj ai.
Sipas raportit, Peskov ridrejtoi pyetje të mëtejshme në lidhje me sulmet e raportuara tek agjencitë ruse të zbatimit të ligjit./21Media