Kurti vizitoi Panairin e Librit “Prishtina 2024”

Kryeministri i Kosovës, Albin Kurti, vizitoi gjatë ditës Panairin e Librit “Prishtina 2024” së bashku me Ministrin e Kulturës, Rinisë dhe Sportit, Hajrulla Çeku, Ministrin e Shëndetësisë, Arben Vitia dhe studentë e aktivistë.

Kjo u bë e ditur përmes një komunikate për media ku thuhet se këtë herë, edicioni i 24-rt i panairit, erdhi nën moton “Përgjigjja është libri” dhe u organizua nga Shoqata e Botuesve të Kosovës, me ndihmën dhe bashkëpunimin nga Ministria e Kulturës, Rinisë dhe Sportit, Komuna e Prishtinës dhe Pallati i Rinisë.

“Kryeministri pati mundësinë të shohë nga afër botime të vjetra e të reja të paraqitura përgjatë këtij panairi e ku veçanërisht vlerësoi botuesit dhe autorët vendas. Dita e fundit e panairit është ajo e nesërmja. Kryeministri Kurti i ftoi të gjithë qytetarët ta vizitojnë atë përpara mbylljes së të dielës”, thuhet në komunikatë për media./21Media