Lajçak: Inkurajoj Kosovën dhe Serbinë të gjejnë zgjidhje për hir të qytetarëve

Përfaqësuesi Special i Bashkimit Evropian për dialogun Kosovë-Serbi, Miroslav Lajçak, ka njoftuar se në Bruksel, sot është zhvilluar takimi i dytë i grupit punues për çështjen e targave të automjeteve midis Kosovës dhe Serbisë.
Në një postimnë Twitter, Lajçak ka treguar se gjatë takimit, të dyja palët patën angazhim konstruktiv në këtë drejtim.
“Delegacionet e ekspertëve të Kosovës dhe Serbisë janë takuar sot në Bruksel. Ky takim është i dytë i Grupit Punues për Targat. Delegacionet u angazhuan në mënyrë konstruktive dhe vazhduan shkëmbimin e mendimeve. I inkurajoj që të gjejnë një zgjidhje të përhershme për hir të qytetarëve të tyre”, ka shkruar Lajçak.

Today, the expert delegations of Kosovo and Serbia met for the second meeting of the Working Group on License Plates in Brussels. Delegations engaged constructively and continued their exchange of views. I encourage them to find a permanent solution for the sake of their citizens

— Miroslav Lajčák (@MiroslavLajcak) November 18, 2021

Ndryshe, më 20 shtator, Qeveria e Kosovës vendosi masën e reciprocitetit për targat nga Serbia./21Media