Ministria tregon për gjendjen e rrugëve në Kosovë

 

Ministria e Infrastrukturës sot informoi se shkaku reshjeve të borës auto-udha R6 Hani i Elezit nga ora 15:00 deri në ora 22:00 dhe temperaturave nën zero (-3) është intervenuar mbrëmë me kripë e pastrim bore, ndërsa sot temperatura ishte nënë zero (-5) është intervenuar me kripë si preventivë për parandalim të krijimit të ngricave në shtresat qarkulluese.

Ndërsa, në rajonin e Gjilani 1, sipas komunikatës, gjendja e rrugëve është e mirë, është intervenuar në gjitha drejtimet në hedhjen e kripës për shkak të ngricave dhe është pastruar bora.

“Ndërsa në rajonin e Gjakova 1 gjatë  ditës së kaluar  ka pas  intervenime në të gjitha akset rrugore për shkak të reshjeve të borës. Po ashtu është intervenuar me kripë në të gjitha akset. Po ashtu në këtë rajon gjatë ditës kemi hap kanale në vendet ku ka pasur nevojë për largimin e ujit. Të gjitha rrugët janë të hapura dhe pa ngrica.”, bëri të ditur ministria.

Ndërkaq, auto-udhët: R7, N9, R6,  si dhe auto-udha A6 Konjuh-Doganaj dhe Gjakova 2 janë krejtësisht të lira për qarkullim.

Për shkak të reshjeve të mëdha të borës dhe temperaturave të ulëta në rajonin e Prizrenit 2 ka ngrica dhe është intervenuar në  pastrimin e borës dhe shpërndarjen e kripës në rrugët: M25 Prizren -Morinë, R115 Prizren – Prevallë , R113 Zhur -Dragash- Restelicë, R114 Dragash – Brod, ndërsa bora është pastruar në rrugët R115 Prizren -Prevallë, R114, Dragash – Brod dhe R113 Dragash – Restelicë. Siç u informua, rrugët janë të hapura por, qarkullimi duhet të bëhet me kujdes të shtuar sepse ka akull dhe ngrica në rrugë.

Në regjionin Peja 1 ka temperatura mjaft të ulëta dhe ngrica, është bërë  shpërndarja e kripës në të gjitha rrugët dhe sipas ministrisëm, të gjitha rrugët janë të kalueshme.

“Për shkak të reshjeve të borës nga ora 14:00 deri ne ora 18:30 dhe  temperaturave nën zero (-3) u intervenua me kripë  e rërë si dhe pastrim të borës në orët e mbrëmjes dhe në orët e mëngjesit.”, bëri të ditur ministria përmes komunikatës./21Media