Nesër seanca e dëgjimore ndaj Naim Murselit dhe dy të tjerëve
Ish-bashkëshorti i Liridona Murselit, Naimi dhe dy të dyshuarit e tjerë për vrasjen e saj nesër do të dalin para gjykatës.
Lajmin për portalin rtv21.tv e ka konfirmuar zëdhënësja e Gjykatës Themelore në Prishtinë, Mirlinda Gashi.
Seanca dëgjimore është caktuar për të dielën në ora 09:30.
Tre të dyshuarit për planifikimin dhe vrasjen e Liridonës janë arrestuar të premten nga policia disa orë pas varrimit të të ndjerës.
Bashkëshorti i Liridonës, Naimi dhe dorasi me iniciale G.P., janë arrestuar dje, pas një aksioni të policisë ku u kryen dy bastisje në Gjakovë.
Gjatë këtij aksioni është sekuestruar edhe një armë e cila dyshohet të jetë përdorur në rast.
Po ashtu, dje u arrestua edhe personi i tretë me iniciale K.K., i cili dyshohet të jetë i përfshirë në rast./21Media