Pa fitues mes Arsenalit dhe PSV, Lens e mposht Sevillan
Kanë përfunduar dy ndeshjet që ishin duke u zhvilluar aktualisht në kuadër të Ligës së Kampionëve, të cilat i takonin Grupit B të kësaj gare.
Pas plot 90’ minutave lojë të zhvilluara në stadiumin “Philips”, Arsenali ka barazuar si mysafir me PSV, ku rezultati final i ndeshjes është 1:1.
Te PSV golashënues ishte Yorbe Vertessen (minuta e 50’), kurse te Arsenali golin e shënoi Eddie Nketiah në minutën e 42’.
Po ashtu, krahas këtij takimi u zhvillua edhe ndeshja mes Lens dhe Sevillas, ku vendasit fituan me rezultat të ngushtë 2:1.
Te vendasit golashënues ishin Przemyslaw Frankowski (minuta e 63’) dhe Angelo Fulgini (minuta e 90+6’), kurse golin e nderit te Sevilla e shënoi Sergio Ramos në minutën e 79’.
Me pikët e reja, Arsenali zë vendin e parë në kuotën e 13 pikëve, katër sosh më shumë se PSV në vendin e dytë, kurse Lens renditet në pozitën e tretë me tetë pikë, krahas Sevillas që e mbyll Grupin B në vendin e fundit me vetëm dy pikë.
Rezultatet finale:
Lens 2:1 Sevilla
PSV 1:1 Arsenal.