Pezullohet nga detyra Nehat Thaçi
Nehat Thaçi, drejtor i Përgjithshëm i Shërbimit Korrektues të Kosovës, është pezulluar nga detyra.
Lajmin e ka bërë të ditur zëvendësministri i Drejtësisë, Blerim Sallahu.
“Sot, kemi pranuar vendimin e Këshillit Shtetëror për Vlerësim dhe Disiplinë për pezullimin nga detyra të z. Nehat Thaçi – Drejtor i Përgjithshëm i SHKK-së”, ka shkruar Sallahu në Facebook.
Tutje, Sallahu ka shtuar se do të presin ftesat e Këshillit për të prezantuar fakte për kërkesën që Thaçi të shkarkohet nga pozita e tij./21Media