Polici 91-vjeçar që nuk e ka plan të pensionohet

 
Ku e shihni veten në moshën 91 vjeçare? Në pension? Por, një oficer policie në Arkansas, nuk do ta mendonte këtë.
LC “Buckshot” Smith ka punuar në zbatimin e ligjit për më shumë se 56 vjet dhe me ditëlindjen e tij të 92-të që vjen në maj, ai thotë se do të pensionohet “kur zoti ta thotë këtë”, transmeton rtv21.tv.
“Buckshot” Smith, nga qyteti i vogël Camden, Arkansas, ishte një zëvendës sherif për 46 vjet para se të dilte në pension – dalja në pension që zgjati për vetëm disa muaj të shkurtër. Ai shpejt e kuptoi që i mungonte puna.
Oficeri është i njohur në të gjithë qytetin. Të gjithë ndalen të flasin kur e shohin, thotë Zyrtarja për Marrëdhënie me Publikun, Dana Weatherby.
“Buckshot” Smith tha se ai e do entuziazmin e të qenit një oficer policie dhe kjo është ajo që e shtyu atë të bashkohej me forcën në vitet 1960.
Texann Shadden, një koordinator trajnimi në departament, përshkruan “Buckshot” Smith si të përkushtuar. Ai kujton një vit kur reshjet e borës ishin aq të mëdha sa që “Buckshot” Smith eci rreth tre blloqe për të punuar në dëborë sepse nuk mund ta nxirrte makinën e tij jashtë.
Në tre ditët e javës kur nuk është në punë, Smith i pëlqen të marrë pjesë në shërbesat e kishës dhe të kalojë kohë me bashkëshorten e tij./21Media