Policia identifikon të dyshuarin e sulmit në Strasbourg

Sipas policisë, i dyshari ka të kaluar kriminale

Policia e Francës ka identifikuar të dyshuarin që mbrëmë gjuajti me armë afër një tregu Krishtlindje në Strasbourg.

I dyshuari është Cherif Chekatt, 29 vjeçar, që sipas Policisë ka një të kaluar të dhunshme, shkruan ‘Daily Mail’.

29-vjeçari ka dosje penale në Polici, pasi më parë kishte kërcënuar shtetin francez dhe shërbimet e sigurisë.

Sipas një burimi të afërt me hetimin, ai ishte dënuar me dy vjet burg në vitin 2011 për një sulm me thikë në një 16-vjeçar. Dje zyrtarë francezë konfirmuan se ai ishte në listën për arsyet e lidhura me radikalizmin.

Numri i të vrarëve në sulmin në Strasbourg është tre, ndërsa 12 të tjerë janë të plagosur, nga të cilët gjashtë janë në gjendje të rëndë.

Lexim me zë

Dëshiron ta dëgjosh këtë lajm me zë?

0:00