Policia shpëton një 60-vjeçar në Vushtrri

Falë reagimit të shpejtë të zyrtarëve policorë, sot është shpëtuar nga ngulfatja një 60-vjeçar nga Vushtrria.
Policia ka njoftuar se ngjarja ka ndodhur sot në orët e mesditës, kur dy hetues të Sektorit Rajonal të Hetimeve, kanë vërejtur një person me gjendje të përkeqësuar shëndetësore të cilit iu kishin bllokuar rrugët e frymëmarrjes.
“Reagimi i shpejtë i dy zyrtarëve policorë ka bërë që qytetarit t’i lirohen rrugët e frymëmarrjes, të shpëtohet nga ngulfatja dhe ta kthejnë në gjendje stabile”, thuhet në njoftimin e Policisë.
Pas normalizimit të gjendjes shëndetësore – qytetari i moshës rreth 60-vjeçar, ka falënderuar zyrtarët policorë për ndihmën e dhënë dhe veprimet e ndërmarra./21Media