Publikohet video e arrestimit të ndërtuesit turk që donte të ikte në Mal të Zi
Mehmet Yasar Ćoşkun, pronari i një kompleksi banimi të shkatërruar nga tërmeti, u ndalua në aeroportin Sabiha Gokcen të Stambollit teksa po përpiqej të largohej nga Turqia. Kompleksi i tij rezidencial “Renaissance Residence” ndodhej në provincën e Hatay në juglindje të Turqisë. Ćoškun po përpiqej të udhëtonte drejt Malit të Zi.
Arrestimi u bë me urdhër të Zyrës së Kryeprokurorit Publik në lagjen Gaziosmanpaşa të Stambollit. Sipas raportit, Ćoškun donte të udhëtonte në Mal të Zi me një shumë të vogël parash që policia i konfiskoi. Ende nuk është bërë e ditur zyrtarisht arsyeja e arrestimit të tij.
Kompleksi i tij i apartamenteve 12-katëshe kishte gjithsej 250 apartamente dhe ndodhej në lagjen Antakya të Hatajit. Kompleksi reklamohet si një rezidence luksoze që përputhet me rregulloren e ndërtimit. Megjithatë, ai u shkatërrua plotësisht nga një tërmet me magnitudë 7.8 që goditi qytetin e Gaziantep të hënën në mëngjes, pasuar menjëherë nga një tërmet me magnitudë 7.5 në provincën Kahramanmaras./21Media
Depremde Antakya’da yıkılan 250 daireli Rönesans Rezidans’ın sahiplerinden müteahhit Mehmet Yaşar Coşkun, yurt dışına kaçmaya çalışırken İstanbul Havalimanı’nda böyle yakalandı https://t.co/AKXSrGu9MN pic.twitter.com/PR89AiJl5i
— Sözcü (@gazetesozcu) February 10, 2023