PZAP e hedh poshtë ankesën e LVV-së kundër certifikimit të Listës Serbe
Paneli Zgjedhor për Ankesa dhe Parashtresa (PZAP) ka hedhur poshtë ankesën e Lëvizjes Vetëvendosje, parti kjo e cila kërkonte anulimin e vendimit të Komisionit Qendror të Zgjedhjeve (KQZ) për certifikimin e Listës Serbe për pjesëmarrje në zgjedhjet e përgjithshme të 9 shkurtit.
Kjo ankesë u konsiderua që nuk i përmbush kërkesat ligjore.
Javën e kaluar, Lëvizja Vetëvendosje i kërkoi PZAP-së që ta shfuqizojë vendimin e KQZ-së për certifikimin e Listës Serbe – partisë më të madhe të serbëve në Kosovë e cila e ka mbështetjen e Beogradit zyrtar.
Kryetari i partisë më të madhe të serbëve në Kosovë, Zllatan Ellek, në prezantimin e kandidatëve për deputetë i është referuar Kosovës si “Kosova dhe Metohija”.
Kjo u bë shkak që dy anëtarë të KQZ, nga partia në pushtet – Sami Kurteshi dhe Albin Krasniqi, të kundërshtojnë certifikimin e këtij subjekti
Dëshiron ta dëgjosh këtë lajm me zë?