Rindizet romanca mes Bradley Cooper dhe Irina Shayk

Bradley Cooper dhe Irina Shayk kanë konfirmuar se janë rikthyer së bashku pasi të dy u kapën duke bërë një shëtitje romantike në New York të hënën.
Aktori, 47 vjeçar, dhe supermodelja, 36 vjeçare, ishin në lidhje mes viteve 2015 dhe 2019 dhe kanë një vajzë.
Më parë ata i dhanë fund lidhjes së tyre, por duket se kanë vendosur të ribashkohen, shkruan Marca.
Çifti kishte shfaqur tashmë shenja pajtimi kur dolën me vajzën e tyre Lea për Halloween, ndërsa thashethemet fillimisht filluan kur Irina ndau fotot e pushimeve të tyre në Bahamas gjatë verës.
Në gusht u raportua se aktori dhe modelja po mendojnë të kenë më shumë fëmijë. Edhe pse u ndanë në vitin 2019, ata kishin mbetur prindër miqësorë që atëherë./21Media