Rusia do të dërgojë muzikantë në vijën e parë të frontit, për t’ua rritur moralin ushtarëve

Rusia thotë se do të dërgojë muzikantë në vijën e parë të luftës së saj në Ukrainë në një përpjekje për ta rritur moralin.
Ministria e mbrojtjes njoftoi formimin e “brigadës krijuese të vijës së parë” këtë javë, duke thënë se ajo do të përfshijë si vokalistë ashtu edhe muzikantë.
Ministria e Mbrojtjes e Mbretërisë së Bashkuar theksoi krijimin e brigadës në një përditësim të inteligjencës të dielën.
Ndërkohë, ministri rus i Mbrojtjes Sergei Shoigu vizitoi trupat e vijës së parë në Ukrainë, tha qeveria.
Vizita e raportuar vjen pasi zyrtarët e mbrojtjes në Mbretërinë e Bashkuar thanë se morali i ulët vazhdon të jetë një “vulnerabilitet i rëndësishëm në pjesën më të madhe të forcës ruse”.
Mbretëria e Bashkuar tha se brigada e re krijuese – e cila pason një fushatë të fundit, duke i kërkuar publikut të dhurojë instrumente muzikore për trupat – është në përputhje me përdorimin historik të “muzikës ushtarake dhe argëtimit të organizuar” për të rritur moralin.
Por, ata vunë në pikëpyetje nëse brigada e re në të vërtetë do të shpërqendronte trupat, të cilët kanë qenë të shqetësuar kryesisht për “normat shumë të larta të viktimave, udhëheqjen e dobët, problemet e pagave, mungesën e pajisjeve dhe municioneve dhe mungesën e qartësisë rreth objektivave të luftës”.
Sipas gazetës ruse RBC news, brigada do të përbëhet nga trupa të mobilizuara nën drejtimin e rekrutimit të Presidentit Vladimir Putin, si dhe “artistë profesionistë që hynë vullnetarisht në shërbimin ushtarak”.
Njësia e re do të ketë për detyrë të mbajë “një gjendje të lartë morale, politike dhe psikologjike ndërmjet pjesëmarrësve të operacionit të posaçëm ushtarak”, citoi gazeta të ketë thënë ministria e mbrojtjes.
Ndërkohë, luftimet intensive kanë vazhduar rreth qytetit Bakhmut në rajonin lindor të Donbasit të shtunën, tha shtabi i përgjithshëm i Ukrainës.
Zonat kanë parë përleshje të rënda midis trupave ukrainase dhe ruse për muaj të tërë, pasi Rusia kërkon të mbajë territorin pas një vargu humbjesh në Ukrainën lindore në fillim të këtij viti./21Media