Rusia tha se korridoret humanitare nga Azovstal do të rihapen

Ushtria ruse thotë se do të hapë korridoret humanitare nga kompleksi i rrethuar i fabrikës së çelikut Azovstal për tre ditë nga e enjtja, raporton agjencia e lajmeve Reuters.
Ushtria tha se rrugët për të dalë nga uzina e Mariupolit do të hapen nga ora 08:00 deri në 18:00 me orën e Moskës më 5, 6 dhe 7 maj, transmeton rtv21.tv.
Gjatë kësaj kohe forcat ruse do të ndërpresin aktivitetet ushtarake dhe do të tërheqin njësitë në një distancë të sigurt, tha ushtria në një postim në internet.
Nuk është raportuar ende asgjë për evakuime të mundshme nga zyrtarët ukrainas.
Dhjetra civilë u evakuuan nga uzina Azovstal në fund të javës së kaluar, me një grup të madh prej tyre që udhëtonin për në Zaporizhzhia të kontrolluar nga Ukraina./21Media