Salah luajti për 90 minuta kundër Guinesë pavarësisht lëndimit

Trajneri i Egjiptit, Ehab Galal ka zbuluar se Mohamed Salah luajti me një dëmtim në fitoren 1-0 të tyre kualifikuese për Kupën e Kombeve të Afrikës kundër Guinesë të dielën.
Sulmuesi 29-vjeçar i Liverpool-it filloi në ndeshjen hapëse të Grupit D pasi Faraonët e lanë vonë për të rrëmbyer një fitore vendimtare kundër Syli Nationale në stadiumin ndërkombëtar të Kajros.
Pas një pjese të parë pa gola, Mostafa Mohamed shënoi për atë që doli të ishte fitues në minutën e 87-të. Pavarësisht lëndimit të tij, Salah luajti të gjithë 90 minutat dhe duke folur pas ndeshjes, Galal ka shpjeguar sesi superylli refuzoi kërkesën e Liverpool-it për t’iu nënshtruar një radiografie.
“Salah vuante nga një dëmtim dhe e kaloi atë. Ai refuzoi kërkesën e Liverpool-it për një radiografi para ndeshjes dhe tani do t’i nënshtrohet asaj”, u shpreh ai.
Galal, i cili po merrte për herë të parë drejtimin e skuadrës, konfirmoi gjithashtu vendimin për të lënë jashtë mesfushorit të Arsenalit, Mohamed Elneny dhe Mahmoud Trezeguet.
“Mohamed Elneny do të kishte qenë në 11-shen fillestare nëse nuk do të lëndohej sepse do të kishte kontribuar në anën sulmuese. Afsha dhe Ibraimh Adel gjithashtu përmirësuan performancën. Mahmoud [Trezeguet] do t’i nënshtrohet një skanimi për të parë shkallën e dëmtimit të tij dhe Elneny mund të përfshihet kundër Koresë së Jugut”, shtoi më tej ai./21Media