Shkon në 5 numri i të vdekurve nga përmbytjet në Gjermani
Numri i të vdekurve nga përmbytjet në Gjermani mbërrin në pesë të martën pasi reshjet e dendura të shiut që shkaktuan kërdi në të gjithë jugun gjatë fundjavës tregojnë shenja të ngadalësimit, sipas autoriteteve të motit.
Numri i të vdekurve nga përmbytjet në Gjermani mbërrin në pesë të martën pasi reshjet e dendura të shiut që shkaktuan kërdi në të gjithë jugun gjatë fundjavës tregojnë shenja të ngadalësimit, sipas autoriteteve të motit.
Policia tha se viktima e fundit është një grua 57-vjeçare, trupi i së cilës u gjet pasi ajo kishte drejtuar një makinë në një rrugë të mbyllur në Bavari dhe ishte mbytur.
Lumenjtë dhe përrenjtë dolën nga brigjet e tyre në shumë zona të shteteve gjermane të Baden-Wurttemberg dhe Bavarisë.
Autoritetet e motit thanë se situata në vend do të lehtësohet pasi nuk parashikohen shira të dendur, raportoi transmetuesi publik gjerman DW.
Përpjekjet vazhdojnë për të gjetur një zjarrfikës të zhdukur, anija e të cilit u përmbys gjatë një operacioni shpëtimi nga përmbytjet, tha DW.
Gjatë vizitës së tij në zonën e goditur nga përmbytjet në Gjermaninë jugore, kancelari Olaf Scholz u zotua të ndihmojë rajonin e prekur.
“Ne nuk duhet të neglizhojmë detyrën e ndalimit të ndryshimeve klimatike të shkaktuara nga njeriu,” tha ai të hënën.
Dëshiron ta dëgjosh këtë lajm me zë?